បង្ក្រាបបានគ្រឿងញៀន ១គីឡូក្រាម នៅខេត្តរតនគិរី
03-November-2015 | ដោយ ពល រាជសី
រតនគិរី៖ កាលពីវេលាម៉ោង១១:១០នាទីថ្ងៃទី២ ខែតុលា ឆ្នាំ២០១៥ កម្លាំងការិយាល័យនគរបាលប្រឆាំងគ្រឿងញៀនខេត្តរតនគិរី សហការជាមួយកម្លាំងអធិការដ្ឋានក្រុងបានលុង និងស្រុកវើនសៃ ចុះបង្ក្រាបករណីជួញដូរគ្រឿងញៀនមួយករណីស្ថិតក្នុងភូមិ-ឃុំប៉ាកាឡាន់ ស្រុកវើនសៃ ខេត្តរតនគិរី និងឃាត់ខ្លួនជនសង្ស័យម្នាក់។
ជនសង្ស័យខាងលើ មានឈ្មោះ ស៊ីវី ភេទប្រុស អាយុ៣៨ឆ្នាំ ជនជាតិឡាវទីលំនៅភូមិប៉ាគៀប ស្រុកមឿងខូង ខេត្តចំប៉ាសាក់ និងដកហូតបានថ្នាំញៀនម៉ាទឹកកក ១កញ្ចប់ ទម្ងន់ ១គីឡូក្រាម ។
សមត្ថកិច្ចបានបញ្ជាក់ថា នៅក្នុងពេលធ្វើការបង្ក្រាបមុខសញ្ញាម្នាក់ដែលនៅរងចាំឯក្រុងបានលុងនេះជាថៅកែបានរត់គេចខ្លួនដោយរថយន្តតាកូម៉ា១គ្រឿង ។ កម្លាំងនគរបាលបានដេញតាម ហើយជនសង្ស័យបានចតរថយន្តចោលក្នុងព្រៃចេកស្ថិតក្នុងភូមិរ៉យ ឃុំកិចុង ស្រុកបកែវ ខេត្តរតនគិរី ហើយគេចខ្លួនចូលព្រៃបាត់ ។ រថយន្តត្រូវបានយកមករក្សាទុកនៅស្នងការដ្ឋាននគរបាលខេត្ត ៕
ចំនួនអ្នកទស្សនា
- ថ្ងៃនេះ7141
- ម្សិលមិញ4461
- សប្តាហ៍នេះ11611
- ខែនេះ33491
- ឆ្នាំនេះ33491
- សរុប20475947